Арча Хәбәрләре (Арский Вестник)
      Онлайн
Реклама
Реклама
Игътибар! Конкурс
ВИДЕО 6+

Валюта курсы
Курс Валют Информер
Российский рубль Российский рубль валюта России
(EUR)//-//
(USD)//-//

Галимнәр Өчиледә “Габдулла Тукай энциклопедиясе”н тәкъдир итте (фото+видео)

Габдулла Тукайның туган көне алдыннан Өчиле авылы дәрәҗәле кунаклар – “Габдулла Тукай энциклопедиясе”н эшләүдә зур көч куйган Г.Ибраһимов исемендәге тел, әдәбият һәм сәнгать институты галимнәрен, фән эшлеклеләрен кабул итте. Кунаклар авыл мәктәбенә энциклопедияне тәкъдир итү кичәсенә кайтты.

Үзләре белән китапны күп итеп бүләккә дә алып кайтканнар. Әлеге китап белән районның мәктәп китапханәләре, музей фондлары баеды.

864 биттән торган, авырлыгы да ике кило ярымлык, 2358 фәнни-нәзари мәкалә һәм белешмәне туплаган китап дөнья күреп, Казанда тәкъдир ителсә дә, шагыйрьнең туган ягына кайтып җитмәгән иде әле. Галимнәр бу тантаналы чараны нәкъ менә туган көн алдыннан, Тукайның әнисе Бибимәмдүдәне дөньяга китергән авылда тәкъдир ителүен теләгән. “Бүген безнең өстән зур бурыч төшкәндәй булды – Тукайның туган җиренә әлеге китап күп күләмдә кайтып, үз урыннарын таба алды”, – диде алар.

Өчиле (Тукай яшь чакта ул Кече Бирәзә дип аталган) – шагыйрьнең әнисен генә тудырып калмыйча, тормышының иң авыр вакытларында 4 тапкыр Габдулла Тукайны үзенә сыендырган авыл. Тукайның соңгы шигырьләренең дә кайберләре Өчиледә язылган булуы ихтимал, чөнки ул авырый башлагач бирегә кайтып берничә ай дәваланган. Бу хакта һәм Тукайны күреп белгән авылдашларыннан алып калган мәгълүматларны 40 елдан артык шушы мәктәптә укыткан Фәрхәт Зыятов кунакларга да җиткерде.

Тукай йөргән җиргә басып, ул эчкән чишмәләрдән сулар эчеп яшәүче өчилеләр белән кунаклар кызыгып та, кызыксынып та аралашты. Мәктәп күргәзмәсен күзәтеп йөргәндә балалар кулы белән эшләнгән Тукай әкияте персонажларын, балаларның иҗатын, яулаган уңышларын күреп, Тукай якташлары һичшиксез шулай булырга тиешле дип бәяләделәр.

Моңарчы телефоннан гына аралашып торган, шагыйрьнең дүртенче буын туганы – Арчаның 2нче мәктәбе укытучысы Лилия Фатыйхова белән дә күрештерде бу кичә фән эшлеклеләрен.

Кунаклар тамашачыларны “Тукай альбомы” белән дә таныштырды, анда урнаштырылган фотосурәтләргә җентекле аңлатмалар бирделәр

Әлеге институт хезмәткәрләре тарафыннан Тукайның 125 һәм 130 еллыкларына 6 томлык дөнья күргән булган. Ә бу энциклопедия 20 ел дәвамында эшләнелеп, бик күп кешенең хезмәте кергән.

 

Социаль челтәрләрдә уртаклашу

Шәрехләү калдыру

*

Без социаль челтәрләрдә
Реклама
Реклама
Реклама
Арча радиосы On-line
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
Наименование СМИ: Арча хәбәрләре (Арский вестник)
№ свидетельства о регистрации СМИ, дата: Эл № ФС77–47527 от 30.11.2013 выдано Федеральной службы по надзору в
сфере связи, информационных технологий и массовых коммуникации (Роскомнадзор).
ФИО Главного редактора: Насибуллин Исрафил Рахматуллович
Адрес редакции: 422000,г. Арск, ул. Банковская, д. 2а
Телефон редакции: (84366) 3-10-58
Учредитель СМИ: АО «ТАТМЕДИА». При поддержке Республиканского агентства по печати и массовым коммуникациям "Татмедиа"

Данный веб-сайт использует файлы cookie для того, чтобы сохранить данные на вашем компьютере.
Если вы продолжаете работать с этим веб-сайтом, мы предполагаем, что вы
соглашаетесь с использованием файлов cookie.

Access denied | www.whmcs.com used Cloudflare to restrict access

Error 1006 Ray ID: 4207777565e54ea8 • 2018-05-25 10:54:54 UTC

Access denied

What happened?

The owner of this website (www.whmcs.com) has banned your IP address (213.159.207.12).