Арча Хәбәрләре (Арский Вестник)
      Онлайн
Баннер МЕТАЛЛ География
Без социаль челтәрләрдә
Реклама
Афиша
Реклама
Опрос
ВИДЕО 6+

Валюта курсы
Курс Валют Информер
Российский рубль Российский рубль валюта России
(EUR)//-//
(USD)//-//

Сәрдәләр әйбәт хуҗа көтә

Урта Сәрдә авылы клубы халык белән шыгрым тулы. Җыелыш та билгеләнгән вакытта башланып китте. Бу үзе үк әлеге авыл кешеләренә карата ихтирамны арттырды.

Авыл җирлеге башлыгы Резеда Батталова эчтәлекле, яхшы хисап ясады. Җирлеккә биш авыл керә, 1034 кеше яши. Узган ел 9 бала туган, 2017 елдагыдан 2гә артык. 11 кеше үлгән (2017 елда – 12). 5 пар өйләнешкән, 2 гаилә аерылышкан.

Урта Сәрдәдән Рамил Җаббаров кечкенә ферма төзү өчен 120 мең сум субсидия алган. Элегрәк елларда мондый ярдәмне алган Мансур Хәбибуллин, Рәфыйк Гаптелхаков, Рәшит Гаптелхаков 8–9 сыер асрыйлар. Тагын ике хуҗалык алырга теләк белдергән.

8–10 сыер асраучы – 3, 5 сыерлы – 3, 4 сыерлы – 4, 3 сыерлы 17 хуҗалык бар.

Җирлеккә кергән авылларда социаль мәсьәләләр уңышлы хәл ителә, әмма проблемалар да бар. Урта Сәрдә авылында балалар бакчасы, фельдшер-акушерлык пункты булмау кыенлыклар тудыра. Балалар бакчасы булмагач күчеп китүче яшь гаиләләр дә бар.

Авыл җирлеге башлыгы игелекле кешеләр ярдәме белән күп мәсьәләләр хәл ителүен әйтте. “Игенче” агрофирмасы” ширкәте Түбән Аты мәчетенең ут һәм газ чыгымнарын түли. Урта Атыда Сәкинә Хөснетдинова мәчеткә ярдәм итә. Колачы мәчете чыгымнарын Мөслимә Латыйпова түли. Урта Сәрдә авылы мәчетенең барлык эшләренә фермер Мөнир Шиһабеддинов ярдәм итә.

Урамнарны кардан чистартуда “Игенче”, “Тукай”, Мөнир Шиһабеддинов хуҗалыклары булыша.

Колхозлар таралгач Урта Сәрдә авылы үз юлы, дөресрәге Мөнир Шиһабеддинов юлы белән кереп киткән иде. Элеккеге рәис фермадагы сыерларны килешү төзеп халыкка таратты да, үзе азык әзерләп биреп, алардан сөт җыйнап тапшыруга күчте. Баштарак эшләр уңай барган кебек иде. Авыл өчен дә күп эшләде Мөнир, менә дигән балалар бакчасы (кызганыч, ул янып бетте), мәчет салдырды, асфальт юл китерү өчен күп көч куйды. Болары өчен аңа рәхмәт әйтәләр, әмма  түләнмәгән хезмәт хакы (үзе 300 мең сум дип әйтә) өчен рәнҗүчеләр дә аз түгел.

– Хуҗалык банкротлык процессы уза, – диде М.Шиһабеддинов.

Киләчәктә авыл игелекле кеше кулына туры килеп, халыкны эшле, акчалы итеп яшәтсә иде, дип телик. Хәзергә күпләр читкә барып эшләргә мәҗбүр.

Пай җирләренең күбесен халык күршедәге “Тукай” хуҗалыгына биргән.

Районның танылган эшмәкәре Нафил Гатауллин Урта Сәрдәдә туып-үскән, авылдашларына ничек эш башлавы, бүгенгесе белән таныштырды, эш башларга теләүчеләргә ярдәм итәчәген әйтте.

Район башлыгы Илшат Нуриев 2018 ел йомгаклары, алда торган бурычлар, планнар турында сөйләде, сорауларга җавап бирде. Урта Сәрдә авылы мәктәбе 2020 елда ныклап төзекләндерү программасына кертеләчәк, аның бер өлешендә балалар бакчасы урнашачак.

Фельдшер-акушерлык пунтктын быел ук урнаштырып була, әмма анда эшләргә кеше кирәк. Кеше булмау сәбәпле ябык торган пунктлар да бар.

– Эшләгән өчен акча түләнергә тиеш, – диде район башлыгы. – Бу мәсьәлә законда каралган юллар белән хәл ителәчәк.

Ильяс Фәттахов

 

Нафил Гатауллин (уртада) авылдашларына  үз тәҗрибәсе турында сөйләде

Социаль челтәрләрдә уртаклашу

Шәрехләү калдыру

*

Реклама
Реклама
Реклама
Реклама
Арча радиосы On-line
Реклама
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
Наименование СМИ: Арча хәбәрләре (Арский вестник)
№ свидетельства о регистрации СМИ, дата: Эл № ФС77–47527 от 30.11.2011 выдано Федеральной службой по надзору в
сфере связи, информационных технологий и массовых коммуникации (Роскомнадзор).
ФИО Главного редактора: Насибуллин Исрафил Рахматуллович
Адрес редакции: 422000,г. Арск, ул. Банковская, д. 2а
Телефон редакции: (84366) 3-10-58
Электронная почта: arskij-vestnik@tatmedia.com
Учредитель СМИ: АО «ТАТМЕДИА». При поддержке Республиканского агентства по печати и массовым коммуникациям "Татмедиа"
Политика персональных данных АО "ТАТМЕДИА"
Антикоррупционной политики АО "ТАТМЕДИА"

Электронная почта для сообщений о фактах коррупции: arskij-vestnik@tatmedia.com

Данный веб-сайт использует файлы cookie для того, чтобы сохранить данные на вашем компьютере.
Если вы продолжаете работать с этим веб-сайтом, мы предполагаем, что вы
соглашаетесь с использованием файлов cookie.

Access denied | www.whmcs.com used Cloudflare to restrict access

Error 1015 Ray ID: 4caecbffc9d886a3 • 2019-04-21 10:50:24 UTC

You are being rate limited

What happened?

The owner of this website (www.whmcs.com) has banned you temporarily from accessing this website.