Арча Хәбәрләре (Арский Вестник)
      Онлайн

Әнисен атып үтергәннәр

Сания ханым белән сөйләшкәндә әнисен атып үтергәннәрен ишеткәч бик нык тетрәндем… Безнең илнең үзенең дә фашистлары булган һәм бар.Арчада яшәүче Сания апа Әмировага 90 яшь тулды. «Арча АТПсы» җәмгыяте җитәкчесе Рүзәл Баязитовичның әнисе ул. Юбилярны котларга район башлыгы Илшат Нуриев килде. Илшат Нуриев Сания апаны котлап, Президент В.Путинның һәм үзенең Рәхмәт хатларын тапшырды. Мәҗлес кафеда үтте. Догалар белән башланып китте ул. Рүзәл Баязитович мәҗлесне догалар укып, матур итеп башлап җибәрде. Мәҗлес бик матур барды. 5 баласы да  (алтау булганнар, берсе мәрхүм), гомереңне авырту-сырхауларсыз үткәрергә язсын дип, рәхмәт әйтеп, чәчәкләр биреп, җылы итеп котладылар. Вәгыйз Әһлиуллин гармунын тартып җибәрде, йөрәк түзеп тора мыни ул, Рүзәл әфәнде: «Безнең Апаз авылында менә шулай бииләр иде», — дип, тыпырдап биеп тә китте… Аңа кыз туганнары кушылды… Биеп аргач, җырга күчтеләр. Монда да башлап җырлаучы Рүзәл үзе булып чыкты. Бар да аңа кушылды. Җиһанга тыныч кына, матур гына кой агылды.  «Бер кыз бала җыр чыгарган багышлап әнисенә… Кояш гомере телим мин, әнием, сиңа…» Сания апа кулъяулыгына үрелде… Җырлар тезелеп китте… «Кайткан чакта Сарман буйларына…», «Бурычлы сиңа мин, әнкәем—алтыным»… Җыр арасында үткәннәрне, истәлекләрне яңарттылар. Сания апа бик яшьли тол кала. Бала вакыттан ук әтисез дә, әнисез дә кала. Сугыш вакытында ике кило ашлык өчен, берсеннән берсе кечкенә өч баласы бар дип тормыйлар, әнисен төрмәгә утырталар. «Башта авылдагы амбарга ябып куйдылар, — дип сөйли Сания апа. — Без елап киләбез, күрештермиләр, ишек астындагы тиешктән әни дип кулларыбызны сузабыз… Алып киттеләр. Ике елга утырттылар. Агач кискәндә әнигә кара—каршы бер урыс белән эшләргә туры килә. Кече йомышын йомышларга әни читкәрәк китә. Шунда әни кача дип сакта торучы әнигә атып җибәрә. Пуля чигәсенә тия. Шулай итеп дөм ятим калдык без. Әниең киткән җиргә җибәрербез әле дигән сүзләрне дә ишетергә туры килде…». Сугыштан соң Апаз егете Баязитка кияүгә чыга. Сыер сава. 6 бала белән яшьли тол кала. Әмма бирешми, кыю, батыр йөрәкле була. Гомерен дә ул: «Авырлыкны күп күрде бу, Аллаһы Төгалә азрак рәхәт тормышны да күр дип яшәтәдер инде», — ди. Тулырак итеп район газетасында язарбыз. Р.Н.

 

Социаль челтәрләрдә уртаклашу

Шәрехләү калдыру

*

Реклама
Әбүнәчеләр игътибарына!
Реклама
Реклама
Реклама
Арча радиосы On-line
Реклама
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
Наименование СМИ: Арча хәбәрләре (Арский вестник)
№ свидетельства о регистрации СМИ, дата: Эл № ФС77–47527 от 30.11.2011 выдано Федеральной службой по надзору в
сфере связи, информационных технологий и массовых коммуникации (Роскомнадзор).
ФИО Главного редактора: Насибуллин Исрафил Рахматуллович
Адрес редакции: 422000,г. Арск, ул. Банковская, д. 2а
Телефон редакции: (84366) 3-10-58
Электронная почта: arskij-vestnik@tatmedia.com
Учредитель СМИ: АО «ТАТМЕДИА». При поддержке Республиканского агентства по печати и массовым коммуникациям "Татмедиа"
Политика персональных данных АО "ТАТМЕДИА"
Антикоррупционной политики АО "ТАТМЕДИА"

Электронная почта для сообщений о фактах коррупции: arskij-vestnik@tatmedia.com

Данный веб-сайт использует файлы cookie для того, чтобы сохранить данные на вашем компьютере.
Если вы продолжаете работать с этим веб-сайтом, мы предполагаем, что вы
соглашаетесь с использованием файлов cookie.