Госман Гарәфи улы ГЫЙМАДИЕВКА 85 яшь

Урта Бирәзә авылында яшәүче кадерле ирем, әтиебез, бабаебыз Госман Гарәфи улы ГЫЙМАДИЕВНЫ 85 яшьлек юбилее белән чын күңелдән котлыйбыз. Әтиебез күпләргә үрнәк булырдай матур тормыш юлы үтте. Ныклы гаилә корды. Әниебез Әминә белән алар 63 ел тигез гомер итәләр. Балалар үстерделәр, хәзер оныклары, оныкчыклары өчен куанып яшиләр. Киләчәктә дә тигезлекләреннән аермыйча, төп нигезебезгә нур өстәп, матур гомер итүләрен телибез. Иң мөһиме, сәламәтлекләреннән аермасын, бусагаларыннан кайгы-хәсрәт атлап кермәсен, балалары шатлык өстенә шатлык өстәсен.

Маңгаеңда сырлар – үткән еллар,

Борчуларың эзе – ак чәчең.

Барлык балаң, әти, рәхмәт әйтә,

Котлы булсын 85 яшең.

Балаларың, оныкларың, оныкчыкларың исеменнән кызың Нурия, киявең Рәдиф Мөхетдиновлар.