Мәрхәмәтлек үзәге коллективы исеменнән җитәкчесе Миләүшә ШАКИРОВА Арча районы халкын Яңа ел белән котлый

Мәрхәмәтлек үзәге коллективы исеменнән җитәкчесе Миләүшә ШАКИРОВА:

– Хөрмәтле райондашлар, якынлашып килүче Яңа ел белән! Эшләребез уң булсын, чәчәк атсын, күңелебездәге мәрхәмәтлелек нуры җаныбызны тагын да ягымлы, матур итсен, ялкынландырып бизәсен. Бусагаларыбыздан яктылык, җылылык, бәхет атлап керсен, бәла-каза йөрмәсен. Гаилә бәхетебез сүнмичә балкып торсын. Көтелмәгән куанычлар килсен һәммәбезгә дә! Бу дөньяда яхшылык эшләү, игелек кылу җирдә ятмый, шуңа күрә һәрберебезнең күңелендә изгелек, чисталык, сафлык яшәсен! Бары шул вакытта гына кеше бу дөньяда үзен бәхетле итеп тоячак!