ӘСКӘРОВ Илдус Лотфрахман улын КОТЛЫЙБЫЗ!

Кадерле әтиебез, ӘСКӘРОВ Илдус Лотфрахман улын ихлас күңелдән туган көне белән котлыйбыз. Әтиебез, сиңа булган рәхмәтләребезне, күңелдәге теләкләрне сүз белән генә әйтеп бетерергә мөмкин түгел, алар иксез-чиксез. Синең кебек сабыр, миһербанлы, саф күңелле әтиләр бик сирәктер. Син безнең таяныч та, ышаныч та, яклаучыбыз да, саклаучыбыз да. Үстердең, кеше иттең, барыбыз да, мең рәхмәтләр укып, озын гомер телибез сиңа. Киләчәктә әни белән бер-берегезнең күңел яктылыгын, җан җылысын тоеп, тынычлыкта, муллыкта, саулыкта яшәргә насыйп булсын үзегезгә!

70 яшь ул әллә ни күп түгел,

Тырыш әйдә, йөзгә җитәргә.

Язсын йөзгә җитеп шатлык белән

Бергә-бергә гомер итәргә.

Син булганда без бәхетле,

Синең белән якты көнебез.

Безнең белән син дә бәхетле бул,

Сиңа озын-озак гомер телибез.

Иң изге теләкләр белән улларың Илүс, Ирек, Илмаз, киленнәрең Альбина, Лилия, Сиринә, оныкларың Илназ, Алия, Әминә, Сылу.