Хасановка авылы кызы, Октябрино килене, хәзерге вакытта Кукмараның Акъәбие Хәнифә Минһаҗева күптән түгел үзенең гомер бәйрәмен – 100 яшьлек юбилеен билгеләп үтте. Җилкәсенә мамык шәлен япкан мөлаем әби, көзге каршысына басып, бераз матурланды да кунакларны каршы алырга ашыкты. Якты йөзле, шаян телле, шигъри җанлы Хәнифә апа белән аралашу үзе бер күңелле хатирә булып, күңел түренә кереп урнашты.
