Сугышта хәбәрсез югалган Имам туган авылына кайтып төшә...
Эзтабарлар тарафыннан Бөек Ватан сугышы вакытында хәбәрсез югалган солдатларны табу, аларның кем, каян булулары хакында белү өчен зур хезмәт башкарыла. Исемнәре, кайсы район, кайсы авыл кешесе икәнлеген ачыклаганнан соң “Арча хәбәрләре” газетасы халыкка райондашларыбыз турындагы мәгълүматны җиткерә. Шундый мәгълүмат газета сайтында басылып чыккач, таныш фамилияле кешенең исемен күрдем. Ул – Низамиев Имам, 1902 елгы, Сикертән авылыннан. Кайнатамның бертуган сеңлесе, Нәсимә апай, Низамиевларның киленнәре, аның ире Нәзир абый.
