«Кызымның егетенә 42 яшь...»
Илсөяр, ишек тавышын ишетеп, тынып калды. Менә ул мизгел килеп тә җитте. Кичә кызы Лилия йөргән егете белән таныштырырга алып килергә җыенуын шалтыратып әйтте. Тик тавышы гына сәер, киеренке иде, әйтерсең алдан ук ни өчендер гафу үтенгән кебек. Ул вакытта Илсөяр моңа игътибар итмәде, дулкынланадыр, беренче мәртәбә егетен әнисе янына алып килә бит, дип кенә уйлап куйды.
