Административ штраф салынырга мөмкин

Автомобильләрне куеп тору урынында (стоянка) инвалидларның махсус автотранспорт чараларын куярга урын билгеләү турындагы законны үтәмәгән өчен РФнең Административ хокук бозулар турындагы кодексның 5.43 маддәсе нигезендә административ җәза каралган.

Аның буенча вазифаи затларга 3000 сумнан 5000 сумга кадәр, юридик затларга 30000 сумнан 50000 сумга кадәр административ штраф салынырга мөмкин.

Балигъ булмаган яшүсмерләрне тәмәке тартуга яки составында никотин булган продукция куллануга җәлеп иткән өчен административ җәза каралган.

РФнең Административ хокук бозулар турындагы кодексының 6.23 маддәсе (1 б.) нигезендә гражданнарга 1000 сумнан 2000 сумга кадәр, әгәр бу гамәл яшүсмерләрнең әти-әнисе яки башка законлы вәкиле тарафыннан эшләнсә, 2000нән 3000 сумга кадәр штраф салына.

Р.М.Хәбибуллин,

Арча районы прокуроры урынбасары, юстиция киңәшчесе