Файдалы киңәшләр
Бүләкләр антирейтингы: Яңа елга нәрсәләр бүләк итмәскә?
Яңа ел алдыннан SuperJob эш эзләү сервисы илнең төрле төбәкләрендә яшүчеләр арасында, бәйрәмгә нәрсә бүләк итмәскә, дигән сорауга җавап эзләү максатыннан, сораштыру уздырган.
Шулай итеп, Яңа елга бүләкләр антирейтингына эләккән:
-оекбаш, пижама яки башмак;
— сувенирлар: Яңа ел сыннары, шәмнәр, магнит, акча җыю савытлары, брелоклар;
— тәм-томнар;
— косметика яки парфюмерия: хушбуй, кырыну өчен күбек;
— кухня кирәк-ярагы – сөлге-тастымаллар, кружка, табалар һ.б.
Шул ук вакытта респондентлар арасыннан һәр өчесенең берсе (34%ы) беркайчан да начар бүләк алмауларын күрсәткән. 18% ы, иң начары – начар бүләк түгел, ә бәйрәмдә игътибарсыз калу, дигән фикер белән килешкән.
Тикшеренү уздыручылар билгеләп үткәнчә, бүләк сыйфатында оекбашның, эчке киемнең – ир-атлар, ә Яңа ел сувенирлары, косметика һәм кухня кирәк-ярагының – хатын-кызлар күңеленә хуш килмәве ачыкланган.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев