Эремчекле крем белән гади бисквит

Камыр өчен: 

8 йомырка, 

1,5 шикәр комы

1 пачка разрыхлитель

1 пачка ванилин, 

су - 8 аш кашыгы

1,5 он.

Крем өчен:

3 пачка эремчек (Мин "Магнит" кибетеннән 40 сум тирәсенә алдым)

2 банка куертылган сөт

Торт өстенә бизәр өчен әйберләр күп сатыла кибеттә, мин гади ысул белән, өстенә соңыннан шоколад кына кордым. Алай да тәмле килеп чыкты.

Әзерләү: тирәнрәк савытка 8 йомырканы сыттым, шикәр комы, су, ванилин куштым һәм яхшы гына миксер белән бутадым. Ул бераз күперде. Шуннан соң, он белән разрыхлительне кушып, тагын миксер белән бутап, торт пешерә торган савыт эченә пергамент кәгазе җәйдем дә, майлап, өстенә сыекча камырны бушаттым. Мичкә 40 минутка пешерергә куйдым. 

Крем әзерләр өчен бер савытка 3 пачка эремчекне, 2 банка куертылган сөтне салдым һәм, шулай ук, миксер белән бутап, бер сәгатькә салкынга куеп тордым. 

Бисквит пешкәч, суынгач, 3 кисәккә бүлдем дә, крем сылап, тагын суыткычка 3 сәгатькә куйдым. 

Сезгә дә, тәмле булсын!   

Чыганак: http://zamansulyshy.ru/news/ash-su-blmsend/eremchekle-krem-beln-gadi-biskvit