erid:LgsiSnffX
Арча хэбэрлэрэ (Арский вестник)

Арча районы

18+
Рус Тат
2024 - Гаилә елы
Файдалы киңәшләр

Күпләр яратып куллана торган биоөстәмәнең ракка китереп чыгаруын ачыклаганнар

Хәзер барыбыз да диярлек организм өчен кирәкле минераллары һәм туклыклы матдәләре булган ризыклар белән “дөрес” тукланырга тырышабыз. Ризыктагы гына җитмәскә дә мөмкин, дип, төрле рекламаларга кызыгып, дару сәдәфе рәвешендәге биоөстәмәләрне дә үз итүчеләребез җитәрлек ("Ватаным Татарстан").

 

Әмма белгечләр раславынча, күбрәккә китсә, алар зыян да салырга мөмкин. Шундыйларның берсе – бета-каротин. Яшелчә һәм җиләк-җимешкә сары, кызгыл сары төс биреп, организмда А витаминына әйләнә ул, дип яза “Российская газета”.

Баксаң, биөстәмәдәге бета-каротин үпкәдә һәм ашказанында яман шеш пәйда булу куркынычын арттыра икән. Америка клиник онкология җәмгыяте кулланмасында басылып чыккан киң колачлы тикшеренү нәтиҗәләре шуны күрсәтә.

erid:2Vtzqwy9AuJ erid:2Vtzqwy9AuJ

АКШ Сәламәтлек саклау министрлыгы да бета-каротинлы өстәмәләр эчү буенча киңәшләр бастырып чыгарган. Киңәшләргә караганда, кеше үзенә кирәкле бета-каротинны дөрес туклану нигезендә алырга тиеш. Өстәмәләрне исә бик белеп кенә кулланырга кирәк. “Табиб киңәшеннән башка гына бета-каротинны тәүлегенә җиде миллиграммнан артыграк эчәргә ярамый. Ә инде тәмәке тартучылар һәм асбест йогынтысына дучар булучыларга өстәмәдән бөтенләй баш тарту хәерле”, – дип искәртелгән анда.
Бета-каротин шпинатта, кишер, кызыл төстәге татлы борыч, манго, папайя һәм абрикоста күп.

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Арча хәбәрләре

2
X