Лаләләр белән агуланмагыз

Табиб-гастроэнтеролог Антон Загайнов моның сәламәтлеккә куркыныч булуын аңлата.

Токсикологлар фикеренчә, лаләләрдәге алкалоидлар (А һәм В тулипалиннары) ашказаны һәм эчәклекнең лайлалы тышчасын яндыра. Лаләләрнең суганчаларында һәм сабакларында токсиннар туплана, һәм алар агу кебек тәэсир итә. Иң төп куркыныч исә, чәчәкләрне корткычларга каршы пестицидлар, озак торсын өчен хлорлы консервантлар һәм анилин буяулар белән эшкәрелгән булуы. Бу матдәләр организмга эләксә, бавырны, бөерләрне һәм нерв системасын зарарлый. 

Антон Загайнов сүзләренчә, бу укшыту, косу, спазмнар, диарея китереп чыгарырга мөмкин. Квинке шешенүе (отек Квинке), көзән җыеру һәм аритмия кебек авыр очраклар да булуы ихтимал. Активлаштырылган күмер эчеп кенә өйдә дәвалану күп очракта файдасыз була, чөнки токсиннар тиз сеңә, һәм ашыгыч рәвештә капельницалар таләп ителә.

Лаләләр белән агулануны лайлалы тышчаларның химик пешүе дип әйтергә була, ахыр чиктә бу – эрозияләр, язвалар һәм хроник авырулар китереп чыгара. Интоксикациядән соң күпмедер вакыт диета сакларга һәм лайлалы тышчаларны рәткә китерү өчен дарулар эчеп торырга кирәк булачак.

Чыганак: Шәһри Казан