Арск-Информ
  • Рус Тат
  • Тән тиресен тәрбияләү өчен киңәшләр

    Көзен һәм кышын атопик дерматит һәм экзема авырулары кискенләшә.

    Түбән Кама дерматовенерологы Полина Ильина сизгер тирене тәрбияләү турында киңәшләр бирде. Бу турыда ТР Сәламәтлек саклау министрлыгы хәбәр итте.

    Көзен һәм кышын атопик дерматит һәм экзема белән авыручы кешеләрнең күбесендә авыруның кискенләшүе күзәтелә. Бу хроник авырулар, алар тулысынча дәваланмый, әмма пациент авыруны контрольдә тота һәм кискенләшүләрне булдырмый кала ала.

    Реклама

    Тиредә аллергия авырулары булганда, аның катламнарында ялкынсыну процессы бара, шул вакытта тирене тәрбияләү кирәк. Атопик дерматит һәм экзема вакытында ялкынсыну процессы тышкы яктан үзгәрмәгән тире катламнарында да барлыкка килә.

    Кискенләшүне сезон алмашынуы, стресс яки аллергеннар йогынтысы китереп чыгарырга мөмкин. Бу чорда дәвалау һәм тәрбияләү өчен башта табибка мөрәҗәгать итү хәерле. Кискенләшү үткәч, тире артыннан карауны туктатырга кирәкми — шулай сез ремиссияне озайта алачаксыз, диелә хәбәрдә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: