Арчаның үзәк Зур урамының онытылган өлешенә игьтибар

Зур урамының бер өлеше чиркәү артында. 7ләп йорт. Зур урамына игьтибар булса да, ничектер бу өлеш күләгәдә кала биргән. Аның электән уты, суы, канализациясе булмаган. Гиндидер бер зур кунак киләсе булгангамы асфальтлаганнар. Анысы да ватылып беткән. Хәтта бу урамның карын да көрәмәгәннәр. Тракторчыларга бер ярты биреп көрәткәннәр.

Дөрес, хәзер карын көриләр. Узган ел район башлыгына хат яздылар. Урамга асфальт кирәк дип. Менә бәхет, бу көннәрдә Зур урамының бу өлешенә асфальт түшәделәр. Кичә багана башына ут та куйдылар. Ике урынга. "Бу игьтибарны күреп елыйсылар килде", - ди анда яшәүчеләр. Әлеге өлешнең башына тагын бер урында ут кирәк әле. Караңгы. Мондый игьтибарга рәхмәттән башка сүз юк.