Баланың атасы ана (гаилә) капиталын алырга хокуклымы?

– Атаның мондый хокукы 2006 елның 29 декабрендәге “Балалары булган гаиләләргә дәүләт ярдәменең өстәмә чаралары турында”гы 256 номерлы Федераль закон белән беркетелгән.

Ананың дәүләт ярдәменең  өстәмә чараларына хокукы атага (уллыкка яки кызлыкка алучыга) Россия гражданлыгы яки гражданлыгы булу-булмауга карамастан, түбәндәге очракларда күчә:

– хатын-кыз үлгәндә,

– аны үлгән дип игълан иткәндә,

– мондый өстәмә ярдәм чараларына хокук бирә торган балага карата аналык хокукыннан мәхрүм ителгәндә,

– үз баласына (балаларына) карата шәхескә каршы җинаятьләргә кергән җинаять ясап, моның өчен аналык хокукыннан мәхрүм ителгәндә яки балага (балаларга) карата аналык хокуклары чикләнгәндә,

– уллыкка (кызлыкка) алуга бәйле рәвештә өстәмә дәүләт ярдәме чараларына хокук барлыкка килеп, баланы уллыкка (кызлыкка) алу юкка чыгарылганда.