Арск-Информ
  • Рус Тат
  • Быел унберенче сыйныф укучылары бары тик ике фәннән имтихан тапшырачак

    Быел унберенче сыйныф укучылары бары тик ике фәннән имтихан тапшырачак, аларга ул Россия югары уку йортларына керү өчен кирәк. Бу хакта Россия мәгариф министры урынбасары Дмитрий Глушко «Россия 24» телеканалы эфирында хәбәр итте.

    «Россия югары уку йортларында укуларын дәвам итәргә ниятләгән 11нче сыйныф укучыларына укырга керү өчен имтиханнар сайларга һәм тиешле БДИ тапшырырга кирәк булачак. Ике имтихан булачак. Мәктәпне тәмамлаучы кайсы университетка, нинди факультетка керүенә карап сайларга тиеш», — диде Глушко.

    Аның сүзләренчә, БДИ ил буенча бердәм расписание белән үткәреләчәк. Ул инде әзерләнгән, әмма әлегә тикшерелә.

    Реклама

    «Бүген без берничә әйберне төгәл әйтә алабыз. Беренчедән, 8 июньдә без имтиханны үткәрә алмыйбыз, шунлыктан ул бераз соңрак булачак. Без хәзер төбәкләрдә мәгълүмат җыю, мониторинг алып барабыз. Һәм якын көннәрдә төгәл срокларны әйтәчәкбез. Июнь аенда булыр дип өметләнәбез, әмма бу коронавирус инфекциясе таралу вазгыяте белән бәйле булачак», — дип искәртте мәгариф министры урынбасары.

    https://tatar-inform.tatar/news/science/13-05-2020/byel-unberenche-syynyf-ukuchylary-bary-tik-ike-f-nn-n-imtihan-tapshyrachak-5742537

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: