Укучыда яңа коронавирус инфекциясе ачыкланса, сыйныфтагы бөтен балалар дистанцион белем алуга күчәчәк.
Әгәр Татарстан мәктәбендә укучы бала яңа коронавирус инфекциясе белән авырса, сыйныфтагы бөтен балаларны, ә инде укытучы бу чирне йоктырса, аның белән аралашкан барлык педагогларны өйләренә кайтарып җибәрәчәкләр. Роспотребнадзорның ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
Авдонина аңлатып үткәнчә, әгәр башлангыч сыйныфлар укытучысы коронавирус йоктырса, ул карантинга озатылачак, шулай ук аның белән аралашкан мөгаллимнәр төркеме дә билгеләнәчәк.
Татар-информ https://tatar-inform.tatar/news/health/27-08-2020/rospotrebnadzorda-m-kt-pt-koronavirus-taralgan-ochrakta-nishl-rg-ik-nen-a-lattylar-5766570
Иң мөһим һәм кызыклы язмаларны Татмедиа Telegram-каналында укыгыз
