Арск-Информ
  • Рус Тат
  • “Сугышчан туганлык” оешмасы әгъзалары Яшел Үзән районына бардылар

    Якташыбызны онытмыйлар

    Районыбызның “Сугышчан туганлык” оешмасы әгъзалары 18 декабрьдә Яшел Үзән районының  Бишнә авылына бардылар. Әлеге авыл  зиратында Арча районының Яңа Кырлай авылында туып-үскән, әфган сугышында һәлак булган Нәҗип Гарипов җирләнгән.

    Нәҗип сигезенче сыйныфка кадәр Яңа Кырлай мәктәбендә укый. Шуннан соң аларның гаиләсе Яшел Үзән районына күчеп китә.

    Әфган сугышында катнашкан “Заман” ширкәте җитәкчесе Илнур Яруллин, шулай ук әфганчы Яңа Кырлайдагы Г.Тукай музее директоры урынбасары Фердинант Кавиев Нәҗип белән бергә укыганнар.

    Реклама

    Бишнә авылы мәктәбендә батырларча һәлак булган якташыбыз истәлеген кадерләп саклыйлар. Аңа багышланган почмак булдырылган, патриотик тәрбиягә багышланган очрашулар шунда уза.

    Бу юлы да мәктәптә мәгънәле, бик тә файдалы очрашу булды. Соңыннан батыр якташыбызның каберенә чәчәкләр салдылар.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: