Укучы укытучысын чәнечкән

автор, 26 февраль 2020 - 18:42

1540

Ульяновск шәһәрендә яшәүче 15 яшьлек үсмергә карата җинаять эше кузгатылачак.

Ул 59 яшьлек укытучысын пычак белән чәнечкән. Үсмерне мондый юлга нәрсә этәргәне әлегә билгеле түгел. Әмма бу хәл катлаулы тикшерүләр таләп итә. Шул исәптән, малайның яшәү шартлары да тикшереләчәк.

Шул ук вакытта, Дәүләт думасына укытучыларны мыскыл иткән укучыларның ата-аналары өчен җәзаны катгыйландыручы закон проекты әзерләнеп тәкъдим ителәчәге мәгълүм. Соңгы вакытта, агрессив үсмерләрне җинаять юлына басудан бу берникадәр кичектерер дигән өмет бар.