Урлыйкмы? Әллә урламыйкмы?

Бүген "Җидегән чишмә" Арча халык театрыннан режиссер яодәмчесе Гүзәл Нигъмәтҗанова, артистлар Харис Сафин һәм Илдус Хәбибуллин "Арча радио"сында кунакта  булып киттеләр. Бу очрашу 15 февральдә булачак яңа спектакль премьерасы уңаеннан эшләнде. "Бу спектаклебез Аяз Гыйлаҗев әсәре буенча сәхнәләштерелде. Ул 60-70нче елларны үз эченә ала. Шуңа без чыгышыбызны Татарстанның 100 еллыгына багышлыйбыз," - диде Харис Сафин. "Билетларны теләп алалар. Аз гына калды инде. Иҗатыбызны яраткан тамашачыларыбызга зур рәхмәт. Билет ала калганнар да борчылмасын, без аны Арча сәхнәсендә тагын бер кат 25 февральдә күрсәтәбез әле. Авылларга чыгу да планлаштырыла", - диде режисс6ер ярдәмчесе.