Арск-Информ
  • Рус Тат
  • Яшәү минимумының күләме артты

    2020 елның беренче кварталында бу күләм җан башына исәпләгәндә 9 252 сум тәшкил итәчәк.

    Татарстанда яшәү минимумы күләме 2020 елның беренче кварталы өчен җан башына исәпләгәндә 9252 сумга кадәр арткан. Тиешле карар ТР хокукый мәгълүмат порталында басылып чыкты.

    «2020 елның I кварталында Татарстан Республикасында яшәү минимумы күләмен җан башына — 9252 сум, хезмәткә сәләтле халык өчен — 9841 сум, пенсионерлар өчен — 7546 сум, балалар өчен — 9333 сум күләмендә расларга», - диелгән карар текстында.

    Документка 30 апрельдә ТР Премьер-министры Алексей Песошин кул куйды.

    Реклама

    Узган елның дүртенче кварталы белән чагыштырганда күрсәткечләр арткан. Ул вакытта җан башына исәпләгәндә яшәү минимумы күләме 8938 сум, хезмәткә яраклы халык өчен — 9543, пенсионерлар өчен — 7311, балалар өчен — 8889 сум иде.

    Элегрәк Россия Президенты Владимир Путин яшәү минимумын һәм минималь хезмәт хакын конституцион рәвештә тигезләргә тәкъдим иткән иде. 

    Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: