Алардан башка булмый

Мин кан басымы белән интегәм. Олы яшьтәмен. Инде поликлиникага барып йөрерлек хәлдә түгел. Ярый әле “Ашыгыч ярдәм” бригадасы бар. Хәлем авыраеп китсә, ашыгыч ярдәмгә шалтыратам. Алар мине беләләр инде. Һәрвакыт якын итеп, ачык итеп сөйләшәләр. Һәркайсы шундый. Бу юлы трубканы Алинә алды. Хәлемне җентекләп сорашты. Киңәшләрен бирде. “Кайсы даруыңны эчтең?” – дип сорады. “Менә шул даруыңны эч тә, 1әр сәгать ятып тор. Тынычлан. Вәсвәсәгә бирелмә. Хәзер кан басымың төшәр, хәлең әйбәтләнеп китәр”, – дип тынычландыралар. Әгәр дә хәлем әйбәтләнмәсә, төшеп җитәләр. Тиешле ярдәмне күрсәтәләр. Аллаһының рәхмәте яусын. Исән-имин эшли күрсеннәр, алар бик кирәкле кешеләр.

Бәхидә Әсхәдуллина. Питомник.