Арчаның 1нче номерлы балалар бакчасында «Әниләр көне» узды

Ел саен, ноябрьнең соңгы якшәмбесендә, Әниләр көне билгеләп үтелә.Бу бәйрәмнән без дә, Арчаның 1 нче номерлы балалар бакчасында тәрбияләнүче мәктәпкә әзерлек төркеме балалары ,читтә калмадык. Физик тәрбия  инструкторы белән берлектә, "Ягез әле, әниләр!" дип исемләнгән спорт чарасы оештырдык. Әниләр үзара җитезлектә көч сынаштылар, осталыкларын күрсәттеләр. Гомумән,тагын бер кат, үзләренең иң яхшы әни исеменә лаек икәнлекләрен расладылар.
Балалар да, үз чиратында, әниләреннән бер дә калышырга теләмәделәр,  ярышларда актив катнаштылар. Һәрвакыттагыча, дуслык җиңде!
Чара балалар тарафыннан башкарылган шигырьләр, җыр-биюләр белән үрелеп барды. Бәйрәм ахырында балалар әниләренә үз куллары белән ясалган тәбрикләү открыткалары тапшырдылар. Бәйрәмнән балалар да,әти-әниләр дә бик канәгать калдылар. Алда тагын очрашулар, күңелле мизгелләр күп булсын иде дигән теләктә калабыз.

Арчаның 1 нче номерлы балалар бакчасы тәрбиячеләре
Шамсутдинова Г.Р.
Баймуратова Р.Ш.
Низамиева И.А.