Җиңүче балаларыбызга уңышлар телибез

Бәйгедә Арча шәһәренең балалар бакчаларында тәрбияләнүче иң талантлы 24 бала катнашты. Бәйгенең максаты - туган телебезгә карата ихтирам, хөрмәт хисләре тәрбияләү, татар балалар  шигъриятен киң таныту. Шунысы сөенечле - балалар саф татар телендә шигырьләрне сәнгатьле итеп яттан сөйләделәр. Туган тел, туган җир, балачак темасына берсеннән берсе матур шигырьләр укылды. Оста башкаручылар шаян шигырьләрне дә бик үтемле итеп тамашачы күңеленә җиткерделәр. Балалар барысы да бәйгегә нык тырышып әзерләнгән. Кызыклы атрибутлар файдаланып, мини-спектакльләр дә күрсәтүчеләр булды. Гадел хөкем чыгаручы мәгариф идарәсе методистлары  Энҗе Габдуллатҗановна, Алина Радиковнага олы рәхмәтебезне җиткерәбез. Бакчабызның данын яклап чыккан Шакирова Рүфинә (2 урын), Ахмадуллина Ильгизәгә (1 урын) тагын да зур уңышлар телибез.