«Күбәләк» балалар бакчасында «Көзге ярминкә» оештырылды

Көннәр матур булуыннан файдаланып ярминкә урамда оештырылды.Бу бик уңайлы булды, чөнки сине бакчаның капкасыннан керүгә матур музыка,төрле милләт киеменнән киенгән әниләр,тәмле коймак,чәй исе каршы ала. Ә якынрак килсәң, киштәләрдәге әйберләрнең төрлелеге күзне камаштыра.Киштәләр көзге яфраклар,чәчәкләр белән бизәлгән.Һәр туркем үзенчәлекле! Ә киштәләрдә ни генә юк: үз бакчаларында үскән яшелчә дисеңме,кышка ясалган салатлар,компот,вареньелар,пешкән чәк-чәк,кош телләре,хәтта кул эшләмәләре дә бар.Болар бар да әти-әниләр ярдәме белән оештырылган.

Килгән һәрбер кеше коймак һәм чәй белән сыйланмыйча китмәде.Бәйрәм бик күңелле,истә калырлык булды.Һәркем үзе теләгән әйберен арзан бәядән ала алды.

Бу ярминкәне оештыруда ярдәм иткән барлык әти- әниләргә зур рәхмәтебезне белдереп калабыз.

Коллектив исеменнән мәктәпкә әзерлек төркеме тәрбиячеләре Әсхәдуллина Айгөл Гәрәфетдин кызы

һәм Хәбибуллина Резеда Ирек кызы .