Милләтара дуслык бакчада ук тәрбияләнә

Татарстандагы телләрне өйрәнү, саклау һәм үстерү, телебезгә булган мәхәббәтезне җыр, бию, шигырь, уеннар аша чагылдырдык.Башка милләт халыкларының уеннарын балалар белән бергә уйнадык. Безнең туган телебез – нинди генә булмасын, татар, рус, мари телеме, туган тел ул- һәр милләт өчен бик газиз һәм кадерле.Зурлар төркеме балалары тарафыннан оештырылган “Халкым минем күп милләтле, һәрбер милләт аның гөле “ музыкаль чара төрле милләт вәкилләренең дуслыгын, бердәмлеген чагылдырды. Аларның милли традицияләренә, гореф-гадәтләренә хөрмәт хисе тәрбияләүдә зур урын алып тора.

“Татар милли үрнәкләре ярдәмендә милли бизәкләр белән эшләнгән кул эшләре” мастер-классы семинар кунаклары өчен кызыклы булды.Күңел җылысын биреп, үз кулларың белән эшләгән милли бизәкле кул эшләре һәркемгә бик ошады.

Балаларны туган телдә сөйләшергә өйрәтүдә уеннар мөһим чара булып тора. Милли уеннарны борынгы заманнардан ук кулланып килгәннәр. Дөньяга килгән һәрбер бала шул уеннарда тәүге кат матурлык белән очраша.Шул уеннар ярдәмендә аның күңелендә туган телгә, туган җиргә, халкына мәхәббәт тернәкләнә.

Башка милләт халыклары белән дә дус, тату яшик! Илебездә иминлек һәм тынычлык булсын!

Мәңге яшә, газиз Ватаныбыз,

Халкым тели изге теләкләр!

Гомерлеккә якын туган булып

Яши бездә төрле милләтләр.

Күп гасырлар кичкән чал тарихлы

Данлы илем, үзең бер дастан!

Синдә генә безнең язмышыбыз,

Республикам минем Татарстан!

Тәрбиячеләр: Гафурова Рафия Ансар кызы,Галиуллина Алинә Фидаэль кызы, Хөсәенова Римма Нәзгат кызы.