Арск-Информ
  • Рус Тат
  •     “Соңгы колонна”  чыгарылганга  31 ел

      Совет  гаскәрләренең чикләнгән контингенты Әфганстаннан чыгарылганга быелның 15 нче февралендә 31 ел булды.Шул уңайдан мәктәбебезгә  Әфганстанда хезмәт итеп кайткан Рәфкать  абый Сибгатуллинны һәм  Рамил абый Җаббаровны очрашуга чакырдык.

             

                Килгән кунакларның берсе – минем әниемнең әтисе,кадерле бабаем Сибгатуллин Рәфкать  Әхәт улы.Бабам 1961 нче елда Урта Аты авылында туган.Урта мәктәпне тәмамлагач, Үрнәктә укып шофёр белгечлеге алган.Аңа 14 яшь булганда әтисе үлеп киткән.Яшьтән үк тормышның бар авырлыгын үз җилкәсендә татыган ул.

    18 яшендә бабамны Армия сафларына алалар.Ул Үзбәкстанның Термез шәһәреннән Әфганстанның төрле шәһәрләренә товар ташуда катнаша.Кече сержант дәрәҗәсендә  автомобиль  батальонында хезмәт итә.1982 нче елның 5 нче июлендә  исән-сау туган авылыбызга әйләнеп кайта.

               Рамил абый да  Әфганстанда булган  вакыттагы хатирәләре белән уртаклашты,балаларга булган теләкләрен җиткерде.

                Чараның икенче өлешендә  бишенче сыйныфтагы  барлык укучылар   чыгыш ясадылар, аннары үзебез  ясаган истәлекле бүләкләрне тапшырдык.Ә өченче өлештә “Соңгы колонна” дип исемләнгән квест-уенда катнаштык.Җиңүче командалар диплом һәм истәлекле бүләкләргә ия булдылар.Онытылмас очрашу булды ул, мин бабаем белән чиксез горурланам.

                                                          Сибгатуллин Илназ Илъяр улы,

    Арча районы Түбән Аты  төп гомуми  белем мәктәбенең 5 нче сыйныф укучысы.

     

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: