Утырма ” Бер яшьлектә, бер картлыкта”

Китапханәче утырмада  катнашучыларны кул эшләре күргәзмәсе, “Милләт язмышы хатын- кыз кулында” исемле китап күргәзмәсе белән таныштырды, туган телебез сөйләм культурасы булганда, һәрберебез аны кулланганда гына, халкыбызның авыз иҗаты шул сөйләмдә киң урын алганда, милли йолаларыбыз, гореф - гадәтләребез, милли киемнәребез, милли ризыкларыбыз безнең тормышта тиешле урынын югалтмаганда гына, без үз телебез белән горурланганда гына туган телебез юкка чыгучы телләр исемлегенә кермәслеген билгеләп үтте, телебезне ничек саклап калырга, аны ничек үстерергә була, балаларны, оныкларны тәрбияләгәндә нәрсәләргә аеруча басым ясарга кирәклеген ассызыклап үтте. Чарада катнашучылар  үзләре алып килгән кул эшләрен башкарганда кара-каршы такмаклар, мәкальләр, әйтемнәр аша үзара аралаштылар, милли җырлырыбызны җырлап иркенләп күңел ачтылар. Утырмада онытылып килүче йон кату, киләп сару да башкарылды. Онытылып килүче  җырлы - биюле уеннарны башкардылар. Тәрбия баскычлары турындагы видеоязма белән таныштылар.

     Кичә  чәй өстәле артында дәвам итте, ак калфаклылар үзләре әзерләп алып килгән милли ризыкларыбыз белән сыйланып рәхәтләнеп ял итте.