1 гыйнвардан “больничный” түләүләре арта

Россиядә 2023 елның 1 гыйнварыннан “больничный” кәгазе буенча түләүнең максималь күләме артачак. Шулай итеп, бер көнгә иң зур сумма – 2 736,99 сум, бер айга иң зур сумма – 84 846,69 сум тәшкил итәчәк. Әмма хезмәт стажы сигез елдан арткан хезмәткәрләргә генә кагыла бу. Шулай итеп, алар уртача хезмәт хакына тигез, әмма максималь күләмнән артмаган түләүгә исәп тота алачак. Бу хакта Социаль иминиятләштерү фонды матбугат хезмәте хәбәр итә.

Ведомствода билгеләп үтелгәнчә, “больничный” акчасын исәпләү ысулы элеккечә үк кала: түләү хезмәткәрнең алдагы ике елдагы кеременә һәм эш стажына бәйле. Стаж 8 елдан артып китсә, пособие хезмәт хакының 100%ы, 5 елдан 8 елга кадәр булса – 80%, 5 елдан кимрәк булса – нибары 60%күләмендә түләнелә.

Чыганак https://vatantat.ru/2022/12/99758/