Арск-Информ
  • Рус Тат
  • Авылда яшәүче өлкән кешеләрне медицина һәм социаль хезмәт оешмаларына бушлай илтәчәкләр

    Авыл җирлегендә яшәүче 65 яшьтән өлкәнрәк гражданнарга һәм инвалидларга күрсәтелә торган социаль хезмәтләр исемлеге киңәйтеләчәк. Андый категория гражданнарны махсус оешмаларга китерү күздә тотыла.

    Бүген Татарстан парламенты депутатлары язгы сессиянең соңгы утырышында «Татарстан Республикасында гражданнарга социаль хезмәт күрсәтү өлкәсендә аерым мәсьәләләрне җайга салу турында» ТР законының 8 статьясына үзгәреш кертү хакында» Татарстан Республикасы закон проектын кабул итте.

    «Социаль хезмәт күрсәтү оешмалары тарафыннан авыл җирлегендә яшәүче 65 яшьтән өлкәнрәк гражданнарны медицина оешмаларына, шулай ук авыл җирлегендә яшәүче 65 яшьтән өлкәнрәк затларны һәм инвалидларны социаль хезмәт күрсәтү оешмаларына илтү каралган», - диде хезмәт, халыкны эш белән тәэмин итү һәм социаль яклау министры Эльмира Зарипова.

    Закон проектында тәкъдим ителә торган ашыгыч социаль хезмәт бушлай күрсәтеләчәк.

    Реклама

    Өлкәннәрне медицина һәм социаль өлкә оешмаларына «Өлкән буын» федераль проекты буенча федераль бюджет акчасына сатып алынган автотранспортта китерәчәкләр.

    Чыганак https://tatar-inform.tatar/news/avylda-yasauce-olkannarne-medicina-ham-social-xezmat-oesmalaryna-buslai-iltacaklar-5857335?utm_source=top

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: