Арск-Информ
  • Рус Тат
  • Айгөл Бариева иреннән аерылганмы?

    Татарстанның атказанган артисты Айгөл Бариева инстаграмдагы язылучылары арасында “сорау-җавап” сәхифәсе оештырды. Иң кызыклы җавапларны сезгә дә тәкъдим итәбез.

     

    - Буегыз һәм авырлыгыгыз нинди?

    - Буем – 170 см. Кияүгә чыкканчы, ике бала тапканчы, авырлыгым 55 кг иде. Хәзер - 65 кг.

    - Еш гашыйк буласызмы?

    - Әйе, чөнки иҗат кешесе ансыз иҗат итә алмый. Ә менә гашыйк булу һәм чын ярату арасында аерма бар. Анысы еллар дәвамында гына сынала.

    - Ирегездән аерылырга җыенасыз дигән имеш-мимешләр ишетелде. Әллә инде аерылдыгызмы?

    - Мондый имеш-мимешләрнең булуы шәп! Димәк, күз тимәячәк.

    - Каенанагыз, каенатагыз турында языгыз әле.

    - Әтиебез инде безнең арабызда юк. Ә әниебез, Аллага шөкер, исән-сау. 84 яшен тутырды.

    - Әгәр сезнең турында фильм төшерсәләр, ничек аталыр иде ул?

    - Шәп сорау! “Үзеңә ышан” дип аталыр иде. Киләчәктә чыгарырга хыялланган китабымның исеме дә шулай булачак.

    - Күлмәкләрең күп. Искеләрен кая куясың?

     

    Реклама

    Реклама

    - Кайберәүләрен сатам, кайберләрен бүләк итәм, кайберләре кызыма кала.

    - Кызыгызга кияү эзләргә ярдәм итәчәксезме?

    - Бу эштә мин ничек ярдәм итә алам? Аларга бит тормыш итәсе. Мин аның адымын хуплый гына алам. Кызым дөрес адым ясар дип беләм һәм ышанам.

    - Камил кая укый? Кемгә?

    - Камил Мәскәүдә ГИТИСта актерлык факультетында укый.

    - “Бичаракай” фильмында төшкән идегез. Тормышта шул образ буенча тәнкыйть ишеткәнегез булдымы?

    - Ооо, ул “Бичаракай”дан соң күпме кеше мине күрә алмады. Хәтта урамдагы әбиләр артымнан барып төкерә иде. Димәк, ышандырып уйнаганмын.

    - Авырлыкларны ничек җиңәсез?

    - Мин үземнән башладым. Бик күп марафоннарда катнаштым. Үзаң өстендә эшләдем. Беркем дә безнең хаталар һәм уңышсызлыклар өчен гаепле түгел. Барысы да башыбызда.

    - Яшь балалы гаиләләргә нинди киңәшләрегез бар?

    - Балалар шундый тиз үсә. Күбрәк сөеп калыгыз, көн саен кочаклагыз, үбегез, матур сүзләр әйтегез. Һәрбер бала мәхәббәттә үссен.

    http://shahrikazan.ru/news/shou-biznes/aygl-barieva-irennn-aerylganmy

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: