Яңалыклар
Балаларны һәм өлкәннәрне инвалидлыкка китерә торган авырулар
Татарстанда яшәүче өлкәннәр арасында авыру структурасы буенча яман шеш, ә балалар арасында психик авырулар беренче урында тора.
Бу хакта Казанда брифингта «Татарстан буенча медик-социаль экспертизаның Баш бюросы» федераль казна учреждениесе җитәкчесенең эксперт эше буенча урынбасары Ольга Пузанова хәбәр итте.
«Декабрь башына булган мәгълүматлар буенча, Татарстанда 44,3 мең кеше инвалид дип танылган. Аларның 39,5 меңе – 18 яшь һәм аннан өлкәнрәк гражданнар, 4,8 меңе – балалар. Инвалидлыкның беренче төркеме 18 процентны, икенчесе 34 процентны һәм өченче төркеме 48 процентны алып тора», - дип хәбәр итте ул.
Өлкәннәр арасында элеккечә онкология авырулары аеруча киң таралган, икенче урында – кан әйләнеше системасы авырулары, өченчедә – терәк-хәрәкәт системасы авырулары. Балалар арасында беренче урынга психик авырулар һәм үз-үзеңне тоту авырулары чыга, икенче урында – нерв системасы, ә өченчедә – тумыштан килгән аномалияләр.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев