Бер үк техника кибетен алты тапкыр талаган Казан кешесен тоткарлаганнар

Казан, 1 апрель, «Татар-информ», Павел Климчак). Полиция хезмәткәрләре көнкүреш техникасы кибетеннән берничә тапкыр әйбер урлауда шикләнелүче яшь кешене тоткарлаган. Бу хакта «Татар-информ»га Россия Эчке эшләр министрлыгының Казан идарәсе матбугат хезмәтендә хәбәр иттеләр.

Декабристлар урамындагы техника кибетендә ир-ат тирә-юнендә сатып алучылар да, консультантлар да булмаган вакыттан файдаланган һәм бинадан системалы блок алып чыккан. Видеокүзәтү камераларының язмаларын караганда каракны ачыклаганнар. Урланган система блогының бәясе 27 мең сумнан артыграк булган.

Бүлек хезмәткәрләре полициягә мөрәҗәгать иткән, анда әлеге факт нигезендә «Урлау» маддәсе буенча җинаять эше кузгатылган. Тиздән тәртип сакчылары шикләнелүчене тоткарлаган. Ул Казанда яшәүче элегрәк хөкем ителгән 29 яшьлек кеше булып чыккан.

Шуннан соң полицейскийлар егетнең әлеге кибетне инде биш тапкыр талап чыкканлыгын ачыклаган.

«Татар-информ»га үз чыганагыннан мәгълүм булганча, ир-ат төрле көнкүреш техникасы урлаган.

Хәзер полицейскийлар урланган товарларны эзли, эшне тикшерү дәвам итә.  Подробнее: https://tatar-inform.tatar/news/incident/01-04-2021/ber-k-tehnika-kibeten-alty-tapkyr-talagan-kazan-keshesen-totkarlagannar-5816796