Хәзерге вакытта Динә Латыйпова Инстаграмда “Атаказ биюе” хикәясен урнаштырып бара. Аның беренче бүлеге узган елның ноябрендә чыккан булган. “Фикерләрегез белән сак булуыгыз сорала, хикәянең хуҗасы безнең арабызда”, - дип кисәткән Динә ханым.

Күбесе хикәяләрнең дәвамын көтеп ала, ләкин араларында тәнкыйтьләүчеләр дә бар. Мәсәлән, берәү: “Бетәсе булмады бу атаказның”, - дип язган. Аңа җавап итеп: “Хатларның төрлесе була. Атаказ әлегә бетми, тик сез минем биттә бетәсез. Кемне дә көчләп кертмим һәм тотмыйм. Үз исемем астындагы яшерен булмаган аккаунт. Керү дә, чыгу да бушлай. Ошамый икән, ишек ачык. “Отписаться” дип атала ул. Белмәгәннәргә булышам. Тагын бер кисәтү! Минем лентада сораусыз реклама һәм мәгънәсез комментарияләр рөхсәт ителми. Хөрмәт белән, Динә”, - дип язган Динә Латыйпова.

Тулырак: http://shahrikazan.ru/news/shou-biznes/din-latyypova-oshamyy-ikn-ishek-achyk