Җырчы Дәниф Шәрәфетдинов кызы Диананы кияүгә бирде. Никахның ничек узуы, яшьләрнең кайда яшәве турында Дәнифнең үзеннән сораштык ("Шәһри Казан", Эльвира Шакирова).
“25 март көнне кызымның никахы булды. Кияү – Артур исемле, Чаллы егете. Мәҗлесне Чаллыда кафеда үткәрдек. Яшьләр Казанда яшәячәк, чөнки кызым шунда укый. Диана абыйсы Динардан рөхсәт сорап кияүгә чыкты (көлә). Дианага – 20, Динарга – 23 яшь. Улымның өйләнергә исәбе юк әле. Сәламәтлеккә килгәндә, барысы да яхшы, Аллаһка шөкер. Узган ел көткән даруларны быел, ниһаять, бушлай бирә башладылар”, - дип сөйләде безгә Дәниф Шәрәфетдинов.
Диана белән Артурны чын күңелдән котлыйбыз, гаилә бәхете телибез!
Тулырак: http://shahrikazan.ru/news/shou-biznes/dnif-shrfetdinov-kyzym-abyysynnan-rkhst-sorap-kiyag-chykty
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев