Дума русча белмәгән мигрант балаларын мәктәпкә алуны тыю турында закон кабул итте

Парламентның түбән палатасы спикеры Вячеслав Володин Telegram-каналында шулай дип белдерде.

«Баланы мәктәпкә кабул иткәнче, мәҗбүри тәртиптә аның Россия Федерациясе территориясендә законлы рәвештә яшиме-юкмы икәнлеге, шулай ук рус телен белүе тикшереләчәк», - дип язган Володин.

409 депутат законны кабул итүне яклап тавыш биргән, берсе каршы булган.

Дәүләт Думасы депутатлары ел башыннан алып миграция сәясәтен камилләштерүгә һәм законсыз миграциягә каршы көрәшкә юнәлдерелгән 14 федераль закон кабул иткән.

Чыганак: Татар-информ