Эссе көннәр кайчан киләчәк?

Алдагы декадада – 21-30 июльдә – Татарстанда салкынча һава торышы көтелә. Бу көннәрдә температура нормадан 2 градуска түбәнрәк булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Әйтик, республика өчен бу көннәрдә – 20,3 градус, ә Казан өчен 20,9 градус норма санала.

ТР Гидрометеорология һәм әйләнә-тирә мохитне күзәтү идарәсендә хәбәр итүләренчә, 22 июльдә төнлә һәм көндез республикада яшенле яңгыр, боз явуы, көчле җил һәм томан көтелә, дип яза Татар-информ.

https://baltaci.ru/news/t%D3%A9rlese/esse-konnar-kaican-kilacak