Арск-Информ
  • Рус Тат
  • Федор Антипов Шурабаштан ниләр яза

    Шурабаш авылында татарлар һәм марилар гасырлар буе дус һәм тату яшиләр.

    "Шурабаш буенча авыл җирлеге башлыгы урынбасары Мансур Нигъмәтуллин бу эшне оештыра белә, -- дип язган Шурабаштан Федор Антипов. --  Шурабаш, Байкал, шура, Яңа Сәрдә авылларында мәдәният хезмәткәрләре һәр пенсионерны күреп, клубка килергә чакыралар. Ул һәр авылда аерым үткәрелә. Шушы авыларда бүгенге көндә 226 пенсионер исәптә тора. Шурабаш мәдәният йортына җыелгач, кичә кызыклы уеннан башланып китте. Рус телендәге сүзләрне татар, мари телләренә тәрҗемә итү, мари сүзләрен татар теленә тәрҗемә итү кебек кызыклы уен булды ул. Уенда җиңүчеләргә истәлекле бүләкләр тапшырылды. Концерт та куйдылар. Чәй өстәле янында рәхәтләнеп сөйләшә--сөйләшә күңел ачтык. Тыпырдап мари, татар биюләрен дә биеп алдык. Котлауларны ишетү дә күңелле булды. Ветераннар советы рәисе Мөршидә Нургалиева, укытучы пенсионер Зөмәрәт Габдрахманова, авыл җирлеге башлыгы урынбасары Мансур Нигъмәтуллин матур теләкләр әйттеләр. Котлаулар дәвам итте. Кичәбез күмәк биюләр белән тәмамланды. Кичәдән бик канәгать булып, рәхмәтләр әйтеп таралыштык. 

    Нравится
    Поделиться:
    Реклама
    Комментарии (0)
    Осталось символов: