Яңалыклар
Илназ Баһ якын дустын югалтты: "Йөрәге зур иде аның"
Татарстанның атказанган артисты Илназ Баһның якын дусты фаҗигале төстә вафат булган. Илназ мәрхүм дусты Иреккә багышлап “Бер күрешү үзе бер гомер” җырын башкарды. Көен үзе иҗат иткән, сүзләрен Радик Муслухов язган ("Шәһри Казан")
“Бүген бик авыр көн булды, дуслар. Бик яшьли арабыздан якын дустым Ирек Рөстәм улы фаҗигале рәвештә көтмәгәндә, уйламаганда бакыйлыкка китеп барды.
Ярдәмчел, туган җанлы, дус җанлы иде, гади кешеме, баймы - бертигез күрде. Рәхәтләнеп бии, җырларга ярата иде, күңеле киң, йөрәге зур иде аның.
Әти-әнисе, тормыш иптәше, абый-энеләре, барча якыннарына сабырлык телим. Бик авыр, бииик авыр кайгы...
Урыннарың җәннәт түрләрендә булсын, Ирек дус”, - дип язган Илназ.
Реклама
Безгә билгеле булганча, Ирекне бассейнда ток сугып үтергән. Аңа нибары 37 яшь булган, ике баласы калган. Якыннарының авыр кайгысын уртаклашабыз.
http://shahrikazan.ru/news/shou-biznes/ilnaz-ba-yakyn-dustyn-yugaltty-yrge-zur-ide-any
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев