Арск-Информ
  • Рус Тат
  • Ирләр колагына хәдисләр

    Пәйгамбәребез Мөхәммәд салләллаһү гәләйһи үә сәлләм әйтте:

    – Бу дөньяда алып була торган нәрсәләрдән иң яхшысы – изге-игелекле хатын.

    – Сездән (ирләрдән) иң яхшылары шул, кем үзенең хатынына һәм кызларына яхшырак мөнәсәбәттә.

    – Ир – хатынына, ә ул иренә мәхәббәт белән караган чакта Аллаһы Тәгалә аларга Үзенең рәхмәте белән карый.

    – Хатын-кызларның иң яхшылары – Аллаһка ышанып мәрхәмәтле булганнары һәм күп бала табучылары. Хатын-кызларның иң начарлары – тәкәбберләр һәм ярым-шәрә йөрүчеләр.

    – Хатын-кызларның тупаслыгын (кабынып начар сүзләр әйтүләрен) дәшмәү белән җиңегез.

    Реклама

    – Ир кеше хатынын ачуланганда, тегесе “ярар, ярар” дип торса – өйдә тынычлык булыр. Хатын “тузынганда” ир дәшмичә калса – өйдә тынычлык булыр (бу – тыныч яшәүнең кагыйдәсе).

    – Иманлы ир иманлы хатынына нәфрәт белән карарга тиеш түгел. Әгәр аңа хатынының бер сыйфаты ошамаса, ул аның холкының икенче сыйфаты белән канәгать булып торырга тиеш.

    – Хатын-кыз кәкре кабыргадан яратылган. Әгәр аны “турайтырга” тырышсаң – сындырачаксың. Әгәр (күнеп) аңа тимәсәң, аның кәкрелегенә карамастан, ләззәтләнә алачаксың.

    Ришат Курамшин әзерләде

    http://shahrikazan.ru/news/din/irlr-kolagyna-khdislr

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: