Табиб, автомобильдән төшеп, каты җәрәхәтләнгән кешене тиз генә хастаханәгә китерү зарурилыгын аңлаткан һәм үзләрен үткәреп җибәрүне сораган. Шулвакыт теге машинадан 3 ир-ат чыгып, медицина хезмәткәрен кыйный башлаган.

“Ашыгыч ярдәм”дәге сырхауга кичекмәстән медицина ярдәме кирәк булганлыктан, башка “скорый” чакыртылган һәм җәрәхәтләнгән ир-ат 12 нче шәһәр хастаханәсенә озатылган.
“75 яшьлек ир-атның кулы җитди җәрәхәтләнгән. “Ашыгыч ярдәм” аны сул кулы җәрәхәтләнү, артериаль кан агу диагнозы белән алып киткән”, – дип хәбәр ителгән “Татар-информ” агентлыгына Татарстан Сәламәтлек саклау министрлыгының матбугат хезмәтеннән.
Соңыннан аңлашылганча, ярдәмгә килгән беренче “скорый”ның юлын җәрәхәтләнгән ирнең күршесе каплаган. Вакыйга булган урынга полиция хезмәткәрләре чакыртылган. Алар килеп туган хәлне тикшерә.