Казандагы тагын бер югары уку йорты мәҗбүри вакцинация кертте

автор, 30 июль 2021 - 14:44

1581

Әлеге мәгариф учреждениесе хезмәткәрләре 25 августка кадәр ковидтан вакцина ясарга тиеш була

Казандагы тагын бер югары уку йорты мәҗбүри вакцинация кертте

КНИТУ-КАИда укыта торган педагоглар, гомумән, югары уку йортының барлык хезмәткәрләре дә коронавирустан вакцина ясарга тиеш була. Уку йорты ректоры вазыйфасын башкаручы Тимур Алибаев шундый карар имзалаган.
Хезмәткәрләр вакцинаны 25 августка кадәр ясатырга тиеш дигән шарт куела.

Билгеле булганча, Россия президенты Владимир Путин Россиядә вакцинацияләү темпларын көчәйтергә, халык арасында аңлату эшләрен активлаштырырга чакырды.