Яңалыклар
КФУ профессоры: Декабрь карлы булачак
Кышның беренче ае Казанда бер градуска җылырак булачак, явым-төшем нормадан якынча 20 процентка арта.
(Казан, 1 декабрь, «Татар-информ», Наталья Рыбакова). Декабрьнең беренче декадасында Казанда һава торышы 5-6 градус җылылыкта булачак.
Тулаем алганда, уртача айлык температура нормадан бераз югарырак була. Бу хакта «Татар-информ»га профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев хәбәр итте.
«Хәзер Казанда көндез уңай температура, яңгыр һәм җепшек кар ява. Көнбатыш халәте чагыла, безгә Төньяк Атлантика көчле йогынты ясый. Тотрыксызлык күзәтелә, безгә даими рәвештә аномаль җылы һава торышы тудыра торган фронталь системалар белән циклоннар килә. Салкыннар әлегә күренми», — диде ул.
Спикер бу көннәрдә Казанда норма буенча тәүлеклек температура -7 градус булырга тиешлеген, ә чынлыкта ул аерым көннәрдә 8 градуска югарырак булуын әйтте.
РФ Гидрометеорология һәм әйләнә-тирә мохитне күзәтү идарәсе мәгълүматларына караганда, кышның беренче ае Казанда бер градуска җылырак булачак, явым-төшем нормадан якынча 20 процентка артачак.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев