Коточкыч! Трамвай катнашында тагын бер һәлакәт

автор, 7 декабрь 2021 - 10:52

1318

Казанда бер хатын-кыз трамвай астында калган, аны ашыгыч рәвештә хастаханәгә озатканнар.

Коточкыч! Трамвай катнашында тагын бер һәлакәт

Һәлакәт бүген 7.47 сәгатьтә Казанда Энергетиклар урамында килеп чыга. Шәһәр Дәүләт автоинспекциясеннән хәбәр итүләренчә, беренчел мәгълүматлар буенча, зыян күргән хатын-кыз тиешсез урыннан трамвай юлларын узарга булган.

"Юл-транспорт һәлакәте нәтиҗәсендә зыян күрүченең кулын ампутацияләгәннәр. Хатын-кызга 60-65 яшь. Аны авыр хәлдә хастаханәгә озатканнар. Урында автоинспекторлар эшли. Килеп чыккан хәлнең барлык шартлары ачыклана ", - дип ачыклык керттеләр ЮХИДИда.
"Метроэлеткротранс" МУП мәгълүматлары буенча, юл-транспорт һәлакәте аркасында Декабристлар урамындагы 1 нче һәм 6нчы трамвайлар хәрәкәте туктатылган.