Җырчы Ләйсән Гимаева Татарстанның атказанган артисты исеменә лаек булды. Бу хакта хәзерге минутта "Казан Экспо"да узучы "Татар җыры" фестивалендә хәбәр ителде. Ләйсән анда кызы Таңсылу белән дуэт башкарды.

Соңрак бу хакта Ләйсән социаль челтәрләрендәге сәхифәсендә үзе дә шәрехләп узды. 

"Дуэтыбызны яратып кабул иткәнегез өчен рәхмәт, тамашачыларыбыз.

Хөрмәт итеп бу зур мәртәбәле концертка чакыруыгыз өчен зур рәхмәт, оештыручылар - "Барс-медиа" компаниясе.

Җыр тәмамлангач, Гөлназ (Сәфәрова - ред) Татарстанның атказанган артисты дип игълан иткәч шок хәлендә калдым. Чын... Исем бирелгәнен белмәдем. Булат ахырга чаклы миңа әйтмәгән... Җаным, бәгърем - ЗУР РӘХМӘТ СИҢА!

Бу безнең уртак җиңү.

«Буген Татарстан Республикасы Президенты указы буенча «Музыка сәнгатен үстерүгә өлеш кертүе өчен» Ләйсән Гимаевага «Татарстанның Атказанган артисты» дигән мактаулы исемгә кул куелды» 

Котлаулар кабул итәм", дип язган Ләйсән.

"Татар җыры"нда Ләйсән Гимаева кызы Таңсылу белән "Әйләнеп кайтыгыз" җырын башкардылар.

Тулырак: http://shahrikazan.ru/news/shou-biznes/lysn-gimaevadan-kuanychly-khbr-kotlyybyz