Арск-Информ
  • Рус Тат
  • Өч студент кызны үтерүченең кем булуын ачыклаганнар

    Бер фатирда яшәүче өч студент кызны үтергәннәр

    Җирле медицина көллиятенең 18-20 яшьлек студент кызлары пычак яраларыннан үлгән дип фаразлана. Ике кызның гәүдәсе – ут төртеп яндырылган фатирда, өченчесенеке күпфатирлы йорт ишегалдында табылган. Фаразлар буенча, кызларны балта белән чабып үтергәннәр.

    Кызлар әлеге фатирда бер ел бергә яшәгәннәр. Фаҗига алдыннан алар һәммәсе дә социаль челтәрләргә кергәннәр.

    Ике кыз Баймак районында туган, берсе Күгәрчен районыннан булган. Хәзер әлеге факт буенча тикшерү эшләре бара.

    Оренбург өлкәсенең Гай шәһәрендә медицина көллиятенең өч студентын үтерүдә шикләнелүченең шәхесе ачыкланган. Ул 18 яшьлек Әнвәр, дип хәбәр итә Telegram-«112»каналы.

    Реклама

    Башлангыч мәгълүматлар буенча, үтерүдә шикләнелүче мәете ишегалдында табылган 17 яшьлек кыз белән очрашып йөргән булган. Егетнең ни өчен яшь кызларны үтерүе һәм аның нинди хәлдә булуы билгеле түгел.

    Хәзер студент кызларның үлеме сәбәпләре ачыклана, тикшерү эшләре дәвам итә. Якынча мәгълүматлар буенча, үлгән кызлар бергәләп фатир арендалап яшәгән.

    30 сентябрь көнне Яшьләр урамындагы йортта янгын чыга. Аны сүндергәндә ике кызның мәете табыла. Соңрак подъезддан 100 метр ераклыкта өченче корбанның мәетенә тап булалар.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: