Яңалыклар
Озак көтелгән кар тиздән явачак
Бу хакта Казан федераль университетының Экология, Биотехнология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев сөйләде, дип хәбәр итә «НТР 24» телеканалы.
Татарстанда бу атна башында кар явачак.
«Атна башына антициклон үзенең йогынтысын киметәчәк, һәм күптән көтелгән кар җир өслеген каплаячак», – дип аңлатты метеоролог.
Шул ук вакытта, галим сүзләренчә, антициклон Татарстанда температура фонының бу чор өчен нормага якынаюына ярдәм итәчәк.
«Ноябрьнең уртача температурасы +0,2 градус булды, нормада -2,5 градус иде. Бу унъеллыкның иң җылы ноябре иде. Көзге өч айга нәтиҗә ясап, уртача температура +7,7 градус тәшкил иткәнлеге билгеле. Бу метеокүзәтүләр тарихында көзге чор өчен җылылык рекорды», - дип өстәде ул.
Чыганак: https://tatar-inform.tatar/news/kfu-meteorology-tatarstanda-ozak-kotelgan-kar-tizdan-yavacak-5897386
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев