Президент һәм оперштаб эшләми торган көннәрне алдан кертү хакында фикер алышачак

(Казан, 20 октябрь, «Татар-информ», Эвелина Киселева). Татарстан Республикасында эшләми торган көннәрне алданрак кертү турындагы карарны Татарстан Республикасы Президенты Рөстәм Миңнеханов һәм Covid-19 вирусы таралуга каршы көрәш буенча оператив штаб кабул итәчәк.

Бу хакта «Татар-информ» мәгълүмат агентлыгында узган матбугат конференциясендә ТР вице-премьеры Ләйлә Фазлыева сөйләде.

«Әлеге мәсьәләне оператив штаб әгъзаларына республика җитәкчесе белән бергә карарга кирәк», — диде ТР Премьер-министры урынбасары.

Владимир Путин Россиядә 30 октябрьдән 7 ноябрьгә кадәр эшләми торган көннәр итеп игълан итте. 

https://tatar-inform.tatar/news/society/20-10-2021/prezident-m-opershtab-eshl-mi-torgan-k-nn-rne-aldan-kert-hakynda-fiker-alyshachak-5841508